Telón de Fondo en Llugones

Telón de Fondo acturá na Casa la Cultura de Llugones el prósimu día 27d´abril, cola obra "Squash" d´Ernesto Caballero.
"Squash" ye una comedia social con un toque de "reality show", na que dos muyeres s´enfrenten a una serie de pruebes pa llograr un puestu de trabayu. Piedá, ama de casa y Trini, prostituta, son les dos protagonistes d´esta disputa, na que Ladio tratará d´escoyer la meyor pa esi apetecible puestu de trabayu.
La obra tá interpretada por Marilú Casas, Carmen Suarez y Lluis Antón González, cola dirección de Sara García Rodriguez, la escenografía de Beni Garcia, les lluces de Alberto Ortiz y la producción de Xulio Vigil.
La hora de comienzu será les 19:30.

TELÓN DE FONDO EN CASU

El grupu teatru TELÓN DE FONDO actuará cola obra SQUASH, nel Centru d´Interpretación de Parque de Redes d´El Campu (Casu), el prósimu día 8 de marzu, a les 12:30 del mediudia.
SQUASH escrita por Ernesto Caballero, con versión asturiana de Lluis Antón Gonzáez, ye una comedia social, na que dos muyeres s´enfrenten por un puestu trabayu. Les distintes prebes que´l supuestu esaminador yos fai, alléguennos a situaciones absurdes, propies de los "reality show" televisivos.
La obra tá interpretada por Carmen Suarez Trapielo, Marilú Casas y Lluis Antón González. La dirección ye de Sara García Rodriguez, la producción de Xulio Vigil y les lluces de Alberto Ortiz.
La representación tá incluyía dientro de la Muestra de Teatru Amateur del Principáu d´Asturies en collaboración col Ayuntamientu de Casu.

FELIZ 2012

El grupu teatru TELON DE FONDO, fundáu nel añu 1973, deseavos un feliz y bayurosu añu 2012.

Más monólogos en El Emperador de La Felguera.

Esti xueves, día 1 d´avientu, a partir de les nueve la nueche, nel pub El Emperador de la Felguera, los monloguistes Min de les Pieces y Lluis Antón González echarán unos monólogos. Esta actuación forma parte de la programación que realiza esti establecimientu felguerín tolos xueves y que tá abierta a tolos que deseen tomar una copa tranquila y divertía. El prósimu xueves día 8, actuará la cuentacuentos y monologuista Maisa Marbán.

TELON DE FONDO NES XORNAES DE GRANDA

El grupu teatru TELÓN DE FONDO, actuará´l prósimu sábadu 29 de payares nel Centru Social de Granda (Xixón) dientro de les XIX Xornaes de Teatru.

Pondrán en escena´l so caberu montaxe "Squash" d´Ernesto Caballero, dirixíu por Sara García Rodriguez y interpretáu por Marilú Casas, Carmen Suarez Trapiello y Lluis Antón González.

La entrada ye llibre hasta completar aforu y la hora de comienzu será les 8 la tarde.

Más monólgos nel pub El Emperador de la Felguera.

Esti xueves, como tolos xueves dende va dos selmanes, continuen los monólogos nel pub El Emperador de la Felguera. Nesta ocasión serán Nona de Calaín y Lluis Antón, los encargaos de facer pasar un ratu agradable, tomando una copa nesti históricu establecimientu de la Felguera. La hora comienzu ye les nueve de la nueche y la entrada ye llibre.

SQUASH CON TELÓN DE FONDO NEL CENTRU MUNICIPAL DE EL LLANO (XIXÓN)

El grupu teatru Telón de Fondo, actuará col so caberu montaxe "Squash" nel Centru Municipal de El Llano de Xixón, el día 13 d´ochobre, a partir de les 7 la tarde.
Esta obra, escrita por Ernesto Caballero, entama con dos muyeres, Trini y Piedá, esperando nuna pista de squash, pa facer unes pruebes pa un puestu de trabayu. Les distintes práctiques que-yos fará l´otru personaxe, Ladio, llevarales a situaciones disparataes. "Squash" ye una comedia social, con un toque de "rality show".
La obra tá dirixida por Sara García Rodriguez, ya interpretada por Carmen Suarez Trapiello, Marilú Casas y Lluis Antón González. La escenografía y diseñu de lluces ye de Beni García, la producción de Xulio Vigil y la dirección técnica de lluces y espaciu escénicu d´Alberto Ortiz.